Արդյոք քովիդը պատրվակ է, որ վարչապետը չմասնակցի Սանկտ Պետերբուրգում կայանալիք ԱՊՀ երկրների ղեկավարների ոչ պաշտոնական գագաթնաժողովին:
Ճեպազրույցի ժամանակ անդրադառնալով դիտարկմանը՝ ԱԺ «Քաղաքացիական պայմանագիր» խմբակցության ղեկավար Հայկ Կոնջորյանն ասաց՝ առաջնորդվում է վարչապետի պաշտոնական հայտարարություններով և կարծում է, որ պետք չէ մութ սենյակում սև կատու փնտրել:
Ըստ Կոնջորյանի, կան շրջանակներ, որոնք բոլոր պրոցեսների վերաբերյալ էլ դավադրապաշտական վարկածներ են առաջ քաշում, նույնիսկ եթե վարչապետն ասի՝ «մածունը սպիտակ է»:
«Վարչապետը արդեն հանդես է եկել գրառմամբ և մասնակցության-չմասնակցության վերաբերյալ իր մեկնաբանությունն արել է»,- ասաց Կոնջորյանը:
Ավելի վաղ Նիկոլ Փաշինյանը հայտնել էր, որ չի մասնակցի Սանկտ Պետերբուրգում կայանալիք ԱՊՀ երկրների ղեկավարների ոչ պաշտոնական գագաթնաժողովին, քանի որ քովիդի դրական ախտորոշում ունի:
