ՀՀ կրթության, գիտության, մշակույթի և սպորտի նախարարությունը դեկտեմբերի 24-ին կիրականացնի «Սպորտի ոլորտում տարվա լավագույնների ընտրություն» մրցույթը:
Միայն «Հանդիսատեսի համակրանք» անվանակարգում քվեարկությունն իրականացվելու է առցանց՝ այդ նպատակով Telegram սոցիալական հարթակում բացված ալիքում: Յուրաքանչյուր օգտատեր քվեարկությանը կկարողանա մասնակցել միայն մեկ անգամ: Հավակնորդների ընդհանուր ցուցակներին կարող եք ծանոթանալ այստեղ:
«Հանդիսատեսի համակրանք» անվանակարգում ընդգրկված են` Արթուր Ալեքսանյանը, Մալխաս Ամոյանը, Էլինա Ավանեսյանը, Արթուր Դավթյանը, Վահագն Դավթյանը, Վարազդատ Լալայանը, Էլմիրա Կարապետյանը, Վարազդատ Հարոյանը, Արսեն Հարությունյանը, Անդրե Սփայթ Մկրտչյանը, Օգնյեն Չանչարևիչը, Գոռ Սահակյանը, Լուկաս Սելարայանը, Էդուարդ Սպերցյանը, Գրետա Վարդանյանը:
