ՀՀ վարչապետ Նիկոլ Փաշինյանը սոցիալական ցանցերի իր էջերում հայտնել է, որ կնոջ՝ Աննա Հակոբյանի հետ Գյումրիից ուղևորվել են Փարիզ՝ մասնակցելու Աստվածամոր տաճարի վերաբացմանը:
Վարչապետը նաև կադրեր է հրապարակել Գյումրիի օդանավակայանից:
Հիշեցնենք՝ արարողությանը ներկա կլինեն ԱՄՆ ներկայիս առաջին տիկին Ջիլ Բայդենը, Իտալիայի նախագահ Սերջիո Մատարելլան եւ Հունաստանի նախագահ Կատերինա Սակելարոպուլուն, ԱՄՆ նորընտիր նախագահ Դոնալդ Թրամփը և այլք:
Մակրոնը միջոցառմանը հրավիրել է բազմաթիվ համաշխարհային քաղաքական և հասարակական գործիչների, ինչպիսիք են Ուելսի արքայազն Ուիլյամը, Գերմանիայի, Լեհաստանի և Վրաստանի նախագահները։ Ընդհանուր առմամբ սպասվում է մոտ 1500 մարդ, այդ թվում՝ պատվիրակությունների անդամներ։
Հռոմի Ֆրանցիսկոս պապը, Բրիտանիայի և Իսպանիայի թագավորներ Չարլզ III-ը և Ֆիլիպ VI-ը ձեռնպահ են մնացել արարողությանը մասնակցելուց։
Հրավիրվել են 160 պետության և կառավարության ղեկավարներ։
Նոտր Դամը հրդեհվել էր 2019 թվականի ապրիլի 15-ին։ 12 ժամից ավելի կրակը չի հաջողվել մարել։ Արդյունքում փլուզվել էր դիմամասը և տաճարի տանիքի մեկ երրորդը։
