Ռոբերտ Քոչարյանն այսօր «Իզմիրլյան» բժշկական կենտրոնում ընդհանուր բուժզննում է անցել: Այս մասին Tert.am-ի հետ զրույցում ասաց Ռոբերտ Քոչարյանի գրասենյակի ղեկավար Վիկտոր Սողոմոնյանը:
«Պարոն Քոչարյանը, «Իզմիրլյան» ԲԿ չի տեղափոխվել, ընդամենը գնացել է մեկ, մեկ ու կես ժամով ընդհանուր ստուգում է անցել: Վեց ամիս անազատության մեջ է եղել, զրկված է եղել բուժզննման հնարավորությունից»,- ասաց նա։
Վիկտոր Սողոմոնյանը հավելեց, որ երկրորդ նախագահը առողջական խնդիրներ չունի:
Հիշեցնենք, որ մայիսի 18-ին Հայաստանի երկրորդ նախագահ, Մարտի 1-ի գործով մեղադրյալ, սահմանադրական կարգի տապալման և առանձնապես խոշոր չափերով կաշառք ստանալու մեջ մեղադրվող Ռոբերտ Քոչարյանը դատավոր Դավիթ Գրիգորյանի որոշմամբ ազատ է արձակվել կալանքից։