ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը հետաձգել է մանդատը վայր դնելու որոշումը:
Այս մասին Աղազարյանը հայտնել է լրատվամիջոցների հետ զրույցում՝ նշելով, որ դեռ մի քանի օր էլ պետք է մտածի:
Ավելի վաղ հայտնի էր դարձել, որ ԱԺ նախագահ Ալեն Սիմոնյանը նոյեմբերի 25-ին հանդիպել է «Քաղաքացիական պայմանագիր» խմբակցության պատգամավոր Հովիկ Աղազարյանի հետ:
Նշենք, որ Աղազարյանն ասել էր, որ նոյեմբերի 25-ին պետք է հրապարակեր մանդատը դնելու մասին իր որոշումը:
Հիշեցնենք՝ նոյեմբերի 22-ին, Հանրային ՀԸ եթերում վարչապետ Նիկոլ Փաշինյանը խոսելով պաշտոնանկությունների մասին, հայտնել էր, որ մանդատները դնելու խնդրանքով դիմել է նաև Հովիկ Աղազարյանին և հույս ունի, որ խնդրանքն անարձագանք չի մնա:
