Թուրքիայի, ԱՄԷ-ի և Թաիլանդի բանկերը չեն սպասարկում Գազպրոմբանկի UnionPay վճարային համակարգի բանկային քարտերը։ Խնդիրները հայտնի են նաև այլ երկրներում, օրինակ՝ Հունգարիայի և Գերմանիայի մի շարք բանկերում։ Քարտերի ընդունումը դադարեցվել է նաև Աստանայի մի շարք բանկերում։ Այս մասին հաղորդում է ՏԱՍՍ-ը։
Ռուսական բանկային քարտերից կանխիկացման փորձը հանգեցնում է բանկոմատում սխալի մասին նախազգուշացման։ Որոշ բանկոմատներում ցուցադրվում է ծանուցում այն մասին, որ բանկը չի թույլատրում գործարքներ կատարել այս քարտով:
Պարզաբանվում է, որ Թուրքիայում խնդիրներ հիմնականում առաջանում են պետական բանկերի, ինչպես նաև օտարերկրյա մասնակցությամբ մասնավոր ֆինանսական հաստատությունների բանկոմատներում։
Ծառայության մերժումը վերաբերում է ինչպես Գազպրոմբանկի կորպորատիվ քարտերին, այնպես էլ UnionPay համակարգով անհատական քարտերին:
Քարտերի սպասարկումից հրաժարվելը սկսվել է պատժամիջոցների նոր փաթեթի ֆոնին, որը նոյեմբերի 21-ին ներկայացրել է ԱՄՆ գանձապետարանը։ Նոր ցուցակում ներառվել է նաև Գազպրոմբանկը, որը նախկինում պատժամիջոցների տակ չի եղել։
