Նոյեմբերի 21-ին Մարիա Զախարովան իր ամենշաբաթյա ճեպազրույցի ժամանակ, բացի հարցերին պատասխանելուց, նաև հեռախոսազանգի է արձագանքել: Ուղիղ հեռարձակումը չի ընդհատվել և լսելի է դարձել խոսակցությունը:
Մասնավորապես, Զախարովային խնդրել են չմեկնաբանել բալիստիկ հրթիռների գրոհների թեման։
«Բալիստիկ հրթիռների գրոհի հետ կապված այն, ինչի մասին սկսել են խոսել Արևմուտքում, մենք ընդհանրապես չենք մեկնաբանում»,- ասվել է Զախարովային:
Հայտնի չէ՝ սա ծրագրված քա՞յլ էր, թե՞ պատահաբար է տեղի ունեցել։ Ավելի ուշ Զախարովան ռուսական լրատվամիջոնցերին հայտնել է, որ ճեպազրույցի ժամանակ բալիստիկ հրթիռների վերաբերյալ հեռախոսազրույցում որևէ ինտրիգ չկար։ Խոսել է փորձագետի հետ:
«Զանգը եղել է այն մասին, թե արդյոք նախարարությունը նպատակահարմար է գտնում մեկնաբանություն անել թեմաներից մեկի վերաբերյալ։ Մասնագետներին հարցրի՝ սա մեր թեմա՞ն է, պատասխանը տրվեց ճեպազրույցի ժամանակ՝ ԱԳՆ-ն չի մեկնաբանում։ Այնպես որ, ինտրիգ չկա»,- ասել է Զախարովան։
