Երբ ասում եք՝ Հայկ Մարությանին ավագանուց հանեցիք, որ իր հետ չբանավիճեք, թող գար, չէինք հանի, կբանավիճեինք. Սուրեն Գրիգորյանն իրեն Հ1-ի եթերում բանավեճի է հրավիրել, թող ընդունի այդ հրավերը եւ իր փաստարկները ներկայացնի: Այս մասին այսօր՝ նոյեմբերի 19-ին, Երեւանի ավագանու նիստում, որտեղ քննարկվում է տրանսպորտի թանկացման ֆոնին որոշ խավերի համար արտոնություններ սահմանելու փաթեթը, իր ելույթում ասաց ՔՊ խմբակցության ղեկավար Արմեն Գալջյանը:
«Բայց ինչպես բոլոր բանավեճերից է խուսափել, ենթադրում եմ, որ այս բանավեճից էլ կխուսափի»,-ասաց նա:
Տեղից ընդդիմադիրներից մեկն ասաց, որ թող քաղաքապետ Տիգրան Ավինյանը գա բանավեճի, ինչին Ավինյանն արձագանքեց. «Պարոն Ավինյանը պատրաստ է յուրաքանչյուր ֆորմատում ձեր քաղաքական առաջնորդի հետ որեւէ ժամի, որեւէ տեղում բանավիճել»:
