Ռուսաստանի հավաքականի կազմում խմբային վարժություններում ռիթմիկ մարմնամարզության աշխարհի 2014 թվականի չեմպիոն Ալեքսանդրա Սեմենովան միջազգային մրցումներին պատրաստվում է ներկայանալ Հայաստանի դրոշի ներքո:
Այս մասին ՏԱՍՍ-ին հայտնել են 26-ամյա մարզուհու մայրն ու մարզիչը՝ Վիկտորյա Թեքելը:
Սեմենովան 26 տարեկան է: Նա 2014 թվականին երեք գնդակով և երկու ժապավենով խմբային վարժություններում դարձել է աշխարհի չեմպիոն։ Մարզուհին նաև 2014 թվականի Եվրոպայի առաջնության ոսկե և արծաթե մեդալակիր է: 2015 թվականին դուրս է մնացել Ռուսաստանի հավաքականի գլխավոր թիմից։
«Ալեքսանդրան պատրաստվում է պայքարել Հայաստանի համար, նա արդեն կայացած մարզուհի է, ցանկանում է կրկին մասնակցել միջազգային մրցումների»,- ասաց Թեքելը։
