Թբիլիսիի Ռուսթավելիի պողոտայում երթևեկութjունն արգելափակվել է. խորհրդարանի մոտ հավաքվում են քաղաքացիական հասարակության և ընդդիմության անդամները։
Ինչպես հայտնել է «Ալիք Մեդիա Վրաստան»-ը, խորհրդարանի մոտ ոստիկանության հատուկ մոբիլիզացիա է. իրավապահները ներկա են ինչպես Չիտաձեի, այնպես էլ Ապրիլի 9-ի, Ճիճինաձեի փողոցներում։
Երեք եվրոպամետ ընդդիմադիր միավորումների երթը «Սադգուրիս մոեդանի» հրապարակից շարժվում է դեպի Ռուսթավելիի պողոտա։ Ընդդիմադիր քաղաքական գործիչները կզբաղեցնեն ամբիոնը և հանրահավաքի եկած հանրությանը կներկայացնեն գործողությունների ծրագիրը։
Ընդդիմադիր կուսակցությունները և Վրաստանի նախագահը խորհրդարանական ընտրությունների արդյունքները կեղծված և «գողացված» են համարում, չեն ճանաչում դրանք և պահանջում են նոր ընտրություններ անցկացնել՝ Միջազգային ընտրական վարչության կողմից։ Այս ընտրություններում բնակչության 90 տոկոսը քվեարկել է էլեկտրոնային համակարգերի միջոցով։
ԿԸՀ-ի նախնական տվյալներով՝ «Վրացական երազանքը» շարունակում է իշխանության ղեկին մնալ չորրորդ ժամկետով։
Վրաստանի դատախազությունը ԿԸՀ-ի դիմումի հիման վրա հետաքննություն է սկսել խորհրդարանական ընտրությունների ենթադրյալ կեղծման փաստով։ Նախագահը, որոշ ընդդիմադիրներ և մի շարք դիտորդական ՀԿ-ներ այս գործով հրավիրվել է հարցաքննության։
