Այլևս վաղուց գործելու ժամանակն է՝ հանուն մեր հայրենիքի շենացման և ուժեղացման։
Այս մասին «Ֆեյսբուք»-ի իր էջում գրել է էկոնոմիկայի նախարարի նորանշանակ տեղակալ Էդգար Զաքարյանը:
«Հարգելի հայրենակիցներ,
Սիրելի քաղաքացիներ,
ՀՀ Վարչապետ Նիկոլ Փաշինյանի որոշմամբ նշանակվել եմ ՀՀ Էկոնոմիկայի նախարարի տեղակալ։ Իմ անկեղծ ու լիասիրտ շնորհակալությունն եմ հայտնում ՀՀ Էկոնոմիկայի Նախարար Գևորգ Պապոյանին և ՀՀ մեծարգո Վարչապետ Նիկոլ Փաշինյանին ինձ վստահելու համար, և ձգտելու եմ գործել ուժերիս ներածին չափով, որպեսզի կարողանամ արդարացնել նրանց վստահությունը։
Սիրելի քաղաքացիներ,
Այլևս վաղուց գործելու ժամանակն է, հանուն մեր հայրենիքի շենացման և ուժեղացման։
Ես գործելու եմ հանուն յուրաքանչյուրիդ բարեկեցության և առաջընթացի։
Եվ ուրեմն աստված մեզ պահապան։
Քար առ քար կառուցենք ապագան։
Ես հավատում եմ մեզ։
Առողջ և ուժեղ լինենք»,- ասված է գրառման մեջ։
Հիշեցնենք՝ նոյմեբերի 1-ին ՀՀ վարչապետ Նիկոլ Փաշինյանի որոշմամբ՝ Էդգար Զաքարյանը նշանակվել է ՀՀ էկոնոմիկայի նախարարի տեղակալ:
