Երևանի ավագանու ՔՊ խմբակցության անդամ Նատալի Սինորյանը գրում է․
Այսօր` հոկտեմբերի 31-ին, Երևանի ավագանու գործընկերներիս, Երևանի փոխքաղաքապետ Սուրեն Գրիգորյանի հետ քննարկեցինք հանրային տրանսպորտի միասնական տոմսային համակարգի շրջանակներում սոցիալական տարբեր խմբերի արտոնություններ (զեղչեր) տրամադրելու հարցը:
Խոցելի խմբերին արտոնության համատեքստում քննարկեցինք նաև իմ կողմից ամիսներ առաջ առաջարկած մի կետ` արտոնություն տրամադրել ՀՀ բուհերում սովորող ծնողական խնամքից զրկված (միակողմանի կամ երկողմանի ծնողազուրկ) ուսանողներին։
Արտոնությունների փաթեթների նախագիծը կքննարկվի Երևանի ավագանու առաջիկա նիստերին:
Հ.գ իմ առաջարկի ամբողջական տարբերակը կթողնեմ մեկնաբանությունում:
