Human Rights Watch միջազգային իրավապաշտպան կազմակերպությունն անդրադարձել է Ադրբեջանում ՄԱԿ-ի Կլիմայի փոփոխության գլոբալ համաժողովի 29-րդ նստաշրջանի անցկացմանը, որը սպասվում է նոյեմբերին:
«Ադրբեջանը, որն այս տարի հյուրընկալում է կլիմայի գլոբալ համաժողովը՝ COP29-ը, միաժամանակ նախատեսում է հաջորդ տասնամյակում ավելացնել գազի արդյունահանումը:
Այս ծրագրերը խաթարում են Կլիմայի փոփոխության մասին Փարիզի համաձայնագրի նպատակները»,- ասված է կազմակերպության «X»-ի միկրոբլոգում տեղադրված հաղորդագրության մեջ:
COP29-ը սպասվում է Ադրբեջանում նոյեմբերի 11-22-ը:
