Ինչպես հայտնի է՝ Կազանում եկնարկել է ԲՐԻԿՍ-ի 16-րդ գագաթնաժողովը:
Կազան են ժամանել անդամ երկրների պատվիրակությունները, ժամանել էնաև Տաջիկստանի նախագահ Էմոմալի Ռահմոնը, ով ակտիվորեն կմասնակցի գագաթնաժողովի իրազեկման ձևաչափին «օտրիչ»-ով: Դա տարածաշրջանային մոտեցում է, որը ներառում է նախագահող պետությանը տալ իրավունք հարևան երկրների ղեկավարների գագաթնաժողովին հրավիրելու։
Ավելի վաղ ՄԱԿ-ի և ՇՀԿ-ի գլխավոր քարտուղարները, Չինաստանի Ժողովրդական Հանրապետության նախագահը, Հնդկաստանի վարչապետը, Կոնգոյի Հանրապետության, Լաոսի, Մավրիտանիայի, Վենեսուելայի, Իրանի, Պաղեստինի, Եգիպտոսի, Արաբական Միացյալ Էմիրությունների, Ադրբեջանի նախագահները, Սերպսկայա Հանրապետության, Հարավային Աֆրիկայի, Վենեսուելայի փոխնախագահները, Բրազիլիայի արտաքին գործերի նախարարը, Շրի Լանկայի ԱԳ նախարարի առաջին տեղակալը և Եթովպիայի վարչապետն են ժամանել:
Ընդհանուր առմամբ, քաղաքը կհյուրընկալի շուրջ 36 երկրների և վեց միջազգային կազմակերպությունների ներկայացուցիչներ: Միաժամանակ 22 պատվիրակություններ կգլխավորեն պետության ղեկավարները։
Ավելի վաղ հաղորդվել էր, որ Կազանում պաշտոնապես մեկնարկել է BRICS XVI գագաթնաժողովը՝ ՌԴ նախագահ Վլադիմիր Պուտինի մասնակցությամբ։
Պատվիրակությունների ղեկավարների համար քաղաքապետարանում կազմակերպվել է ոչ պաշտոնական ճաշ և համերգ։ Գագաթնաժողովը կտևի մինչեւ հոկտեմբերի 24-ը։ Այսօր նախատեսված են հանդիպումներ նեղ և ընդլայնված կազմով։ Դրան կհաջորդի պատվիրակությունների ղեկավարների պաշտոնական հանդիպման արարողությունը և ընդունելությունը:
Վաղը լիագումար նիստեր են լինելու «օտրիչ» և «Բրիկս պլյուս» ձևաչափերով։ Գագաթնաժողովը կավարտվի Վլադիմիր Պուտինի մամուլի ասուլիսով։
ԲՐԻԿՍ-ի ղեկավարությունը հաջորդ տարի կանցնի Բրազիլիային:
«Ռուսաստանը կանի հնարավոր ամեն բան՝ ապահովելու այդ փոխանցման արդյունավետությունը»,- ասել է ՌԴ նախագահ Վլադիմիր Պուտինը։
ԲՐԻԿՍ-ի գագաթնաժողովին մասնակցելու համար Կազան է մեկնելու նաև ՀՀ վարչապետ Նիկոլ Փաշինյանը:
ԲՐԻԿՍ ասոցիացիան ստեղծվել է 2006 թվականին Բրազիլիայի, Ռուսաստանի, Հնդկաստանի և Չինաստանի կողմից, իսկ Հարավային Աֆրիկան միացել է 2011 թվականին:
2024 թվականի հունվարից Եգիպտոսը, Իրանը, ԱՄԷ-ն, Սաուդյան Արաբիան և Եթովպիան դարձել են խմբի լիիրավ անդամ։
Կազանի գագաթնաժողովը դարձել է Ռուսաստանում համաշխարհային առաջնորդների ամենամեծ հանդիպումներից մեկը։
