ՀՀ առողջապահության նախարար Անահիտ Ավանեսյանը Լոռու մարզ կատարած այցի շրջանակներում եղել է նաև Վանաձորի բժշկական կենտրոն։
Լոռու մարզպետի և բժշկական կենտրոնի տնօրեն Մեսրոպ Հազրոյանի հետ նախարարը շրջել է կառուցվող Ինֆեկցիոն մասնաշենքի շինհրապարակում։
Աշխատանքները կավարտվեն 2025 թվականի կեսերին։
«Այստեղից հետո Վանաձորի Լոֆթ կենտրոնում կունենանք կանանց հետ հանդիպում Կրծքագեղձի քաղցկեղի իրազեկման շրջանակում։
Ի դեպ, Վանաձորի բժշկական կենտրոնը կունենա նաև մամոգրաֆիկ ստացիոնար ծառայություն»,- «Ֆեյսբուք»-ի իր էջում հայտնել է նախարարը։
Ավելի վաղ Անահիտ Ավանեսյանն այցելել էր Սպիտակի բժշկական կենտրոն:
