Գյումրու ավագանու «Քաղաքացիական պայմանագիր» խմբակցության ղեկավար Քնարիկ Հարությունյանը «Ֆեյսբուք»-ի իր էջում լուսանկար է հրապարակել Գյումրու կենտրոնի աղբով լցված աղբամանից և գրել.
«Հեռավար կառավարման արդյունքը:
Գյումրի, Կենտրոն»:
Հիշեցնենք, որ Գյումրու քաղաքապետ Վարդգես Սամսոնյանը սեփական որոշմամբ հոկտեմբերի 15-ից աշխատանքային պարտականությունները ժամանակավորապես իրականացնում է հեռավար՝ առողջական վիճակի վատթարացման և անհապաղ բժշկական միջամտություն ստանալու անհրաժեշտությամբ պայմանավորված, ինչպես նաև փոխքաղաքապետների բացակայության պատճառով:
Փոխքաղաքապետ Լուսինե Սանոյանն արձակուրդում է, Հայաստանում չէ: Գյումրու մյուս փոխքաղաքապետ Սուրեն Ջանոյանը, ինչպես հայտնի է, գտնվում է տնային կալանքում: