«Մի շարք կայքեր հղում տալով երեկ ԱԺ-ում կայացած լսումների ժամանակ ՆԳ նախարարի ելույթին, գրում են, որ մեկ տարում 47 ոստիկան է հեռացվել համակարգից թմրամիջոց օգտագործելու համար: 47 ոստիկան հեռացվել է ոչ թե մեկ տարվա այլ 5 տարվա ընթացքում»:
Այս մասին «Հայկական ժամանակ»-ի հետ զրույցում նշեցին Ներքին գործերի նախարարությունից:
Հիշեցնենք, որ երեկվա լսումները վերաբերում էին 2019-2024 թթ հանցավորությանը:
Նախարար Վահե Ղազարյանն իր խոսքում նշել էր, որ ցանկացած ոստիկան մինչև ատեստավորում անցնելը պարտադիր պետք է անցնի թմրամիջոցների օգտագործման հետ կապված թեստը:
«Մենք թմրամիջոց օգտագործելու պատճառով համակարգից հեռացրել ենք ոստիկանության 47 ծառայողի»,-նշել էր Ղազարյանը:
