Ազգային անվտանգության ծառայության տնօրեն Արմեն Աբազյանը խորհրդարանական լսումների ժամանակ անդրադարձավ Ջոն Կիրակոսյանի անվան թիվ 20 դպրոցի միջադեպին։
Աբազյանն ասաց՝ ԱԱԾ-ն ուսումնասիրություն է իրականացնում։
«Ջոն Կիրակոսյանի անվան դպրոցի միջադեպի հետ կապված բնականաբար մեր մոտ ուսումնասիրություն է իրականացվում, բայց կասեմ, որ համացանցում ներկայացված իրավիճակը, երբ Ազգային անվտանգության ծառայության աշխատակիցները դիմակավորված ահաբեկել են երեխաներին, նախնական կարող եմ ասել, որ նման իրավիճակ չկա»,- ասաց Աբազյանը։
Օրերս այս դպրոցում իրավապահները գործողություններ էին իրականացրել, որի ժամանակ ձերբակալել էին հաստատության Ֆիզիկայի ուսուցիչ Արամ Ծատուրյանին, որը, ըստ մեղադրանքի, անառակաբարո գործողություններ է իրականացրել երեխաներից մեկի նկատմամբ:
