Ռուսաստանում Ան-3 ինքնաթիռ է կործանվել:
Ռուսական լրատվամիջոցների փոխանցմամբ՝ Borus ավիաընկերության Ան-3 ինքնաթիռը, որն իրականացնում էր Օլեկմինսկ-Ժելեզնոգորսկ-Իլիմսկի չվերթը, հարկադիր վայրէջք է կատարել Յակուտիայի Օլեկմինսկ քաղաքից 1,5 կմ հեռավորության վրա։
Ինքնաթիռում եղել է հինգ մարդ, այդ թվում՝ անձնակազմի երեք անդամ և երկու ուղևոր։
Կոշտ վայրէջքի հետեւանքով ուղևորներից մեկը մահացել է։
Նախնական տվյալներով՝ Ան-3 ինքնաթիռի վթարային վայրէջքի պատճառը եղել է շարժիչի մղման կորուստը և դրա հետագա խափանումը, հայտնում է Արևելյան Սիբիրի տրանսպորտային դատախազությունը։
