Կառավարության որոշմամբ կավելացվի Հայաստան 0% մաքսատուրքով էլեկտրոմոբիլի ներմուծման քվոտան։
էկոնոմիկայի նախարար Գևորգ Պապոյանը Կառավարության նիստի ըթնացքում տեղեկացրեց, որ ԵԱՏՄ խորհուրդը առանց մաքսատուրքի 8000 էլեկտրոմոբիլի ներկրման քվոտա է սահմանել, սակայն կառավարությունը 600 էլեկտրոմոբիլի մասով պահել է ռեզերվ․
«Համաձայն ՊԵԿ ուսումնասիրության՝ ս․թ․ սեպտեմբերի 16-ի դրությամբ ձևակերպվել և բաց է թողնվել 6524 հատ էլեկտրաշարժիչային տրանսպորտային միջոց, որոնցից 4658-ը ներմուծվել են ֆիզիկական անձանց կողմից (71.4%), իսկ մնացած 1866-ը (28.6%)՝ իրավաբանական անձանց։ Այսինքն, նախորդ ժամանակահատվածի վիճակագրությունը ցույց է տալիս, որ ներմուծումները իրականացվել են հիմնականում ֆիզիկական անձանց կողմից»,- հայտնել է նախարարը։
Նրա խոսքով՝ ներկայիս դրությամբ, նախատեսված 7400 էլեկտրոմոբիլի քվոտան սպառվել է, ուստի որոշվել է իրացնել 600 հատ ռեզերվը։
Վարչապետ Նիկոլ Փաշինյանն էլ նշել է, թե քվոտայի սպառվելուց հետո մեքենաները հնարավոր է ներկրել՝ վճարելով միայն մաքսատուրք, որը ԵԱՏՄ խորհրդի որոշմամբ է սահմանված, իսկ ԱԱՀ-ից այն կրկին ազատված կլինի. «Պետք է ուշադիր լինել, որ այլ երևույթներ չլինեն, ֆոտոֆինիշի կարիք հույս ունենք չենք ունենա վերջում, թե ով ավելի շուտ հասավ մաքսակետ։ Բայց էլեկտրական շարժիչով տրանսպորտային միջոցների ներկրման արտոնյալ միջավայրը չի վերանում»։
