Հայաստանի ամենահայտնի գործարարներից մեկին՝ ԱԺ նախկին պատգամավոր Սամվել Ալեքսանյանին, Ռուսաստանի իշխանությունները թույլ չեն տվել հատել իրենց երկրի սահմանը։
Այդ մասին 24news.am-ին հայտնել են մոսկովյան աղբյուրները։
Սամվել Ալեքսանյանը տիկնոջ՝ Շողերինայի և ընտանիքի այլ անդամների հետ մեկնել է Մոսկվա։ Արդեն օդանավակայանում ընտանիքի բոլոր անդամներին թույլ են տվել հատել ՌԴ սահմանը, իսկ Ալեքսանյանին մի քանի ժամ պահել են օդանավակայանում ու հետո հայտնել, որ չի կարող մտնել երկիր։ Ալեքսանյանը վերադարձել է Հայաստան։
