«Հրդեհը մեկուսացվել է, տուժածներ չկան»:
Այս մասին լրագրողների հետ զրույցում ասել է ՀՀ ՆԳՆ փրկարար ծառայության տնօրեն-ՆԳ նախարարի տեղակալ Կամո Ցուցուլյանը՝ նշելով, որ հրդեհի ժամանակ պայթյուն տեղի չի ունեցել։
«Ըստ աշխատակցի՝ հոսանքը գնացել է, հետո հրդեհ է բռնկվել։ Տանիքին տեղադրված է եղել արևային համակարգ, որի պատճառով հրդեհաշիջումը փոքր-ինչ դժվարացավ»,- ասել է նա։
Ինչպես ավելի վաղ հայտնել էինք, ժամը 12:57-ին Երևան քաղաքի Իսակովի պողոտայում գտնվող «Դոմուս» հիպերմարկետի պահեստային տարածքում խոշոր հրդեհ էր բռնկվել:
Հրդեհի հետևանքով տուժածների մասին այս պահին տեղեկություններ չկան:
ՆԳ նախարարի մամուլի քարտուղար Նարեկ Սարգսյանի խոսքով՝ այրվում է 2500-3000 քմ տարածք, ինչպես նաև՝ շինանյութ, կահույք, տեխնիկա: