Երևանի «Շտապ օգնության» ծառայության երկու խումբ հերթապահություն է անում Իսակովի պողոտայում գտնվող «Դոմուս» խանութի պահեստային հատվածում բռնկված հրդեհի մոտակայքում:
Այս մասին «Հայկական ժամանակ»-ին հայտնեց ծառայության տնօրեն Ռուբեն Գրիգորյանը։
«Դիմում են տեղի աշխատակիցները, դեպքերը կապված են լինում ճնշման ու սրտի հետ կապված խնդիրներով»,- ասաց նա։
Ըստ Գրիգորյանի՝ այրվածքներով գրանցված դեպքեր այս պահին չկան։ Մեկ հոգի «սրտի կարխիկադիա», ախտանշանով տեղափոխվել է «Շենգավիթ ԲԿ»։
Ինչպես ավելի վաղ հայտնել էինք, ժամը 12:57-ին Երևան քաղաքի Իսակովի պողոտայում գտնվող «Դոմուս» հիպերմարկետի պահեստային տարածքում խոշոր հրդեհ էր բռնկվել: