Սյունիքի մարզի Տեղ գյուղի համայնքապետ Դավիթ Ղուլունցը ձերբակալվել է:
Այդ մասին տեղեկությունը «Հայկական ժամանակ»-ի հետ զրույցում հաստատել են Ներքին գործերի նախարարությունից:
«ՀՀ վարչական իրավախախտումների վերաբերյալ օրենսգրքի 182-րդ հոդվածով նախատեսված արարք կատարելու համար ենթարկվել է վարչական ձերբակալման, ապա՝ ազատ է արձակվել»,-մեկնաբանեցին ՆԳՆ-ից:
Նշված հոդվածը ենթադրում է ոստիկանության զորքերի զինծառայողի կամ ոստիկանության ծառայողի օրինական պահանջը չկատարելը:
