ՄԱԿ-ի գլխավոր քարտուղար Անտոնիո Գուտերեշը կմասնակցի Կազանում կայանալիք ԲՐԻԿՍ գագաթնաժողովին։
Այս մասին հայտնել է Ռուսաստանում ՄԱԿ-ի տեղեկատվական կենտրոնի տնօրեն Վլադիմիր Կուզնեցովը:
«Ինձ համար շատ հաճելի է լինել Կազանում, որը կհյուրընկալի ԲՐԻԿՍ երկրների գագաթնաժողովը, որտեղ որպես հրավիրված անձ կմասնակցի նաև Միավորված ազգերի կազմակերպության գլխավոր քարտուղար Անտոնիո Գուտերեշը»,- ասել է Կուզնեցովը:
Անտոնիո Գուտերեշը վերջին անգամ Ռուսաստան է այցելել 2022 թվականի ապրիլի 26-ին։ ՄԱԿ-ի գլխավոր քարտուղարը հանդիպել է արտգործնախարար Սերգեյ Լավրովի և նույն օրը ՌԴ նախագահ Վլադիմիր Պուտինի հետ։ Այնուհետ քաղաքական գործիչները բանակցություններ են վարել՝ կապված Ուկրաինայի տարածքում ռազմական գործողությունների սկսվելուց հետո հումանիտար խնդիրների լուծման հետ։
