Օպերայի շենքի մոտից ոստիկանները բերման են ենթարկել «Ադեկվադ» ՀԿ անդամներ Կոնստանտին Տեր-Նակալյանին, Արթուր Դանիելյանին, Ազատ Ադամյանին, Գրիգոր Մինասյանին: Այս մասին Tert.am-ի հետ զրույցում ասաց նույն ՀԿ-ի անդամ Նարեկ Սամսոնյանը:
Սամսոնյանը նշեց, որ նրանց բերման ենթարկելու պատճառները դեռ հստակ չեն: «Երևի, ոստիկանության օրինական պահանջը չկատարելն է պատճառը»,- ասաց նա և հավելեց, որ գնացել էին ընդամենը մասնակցելու մի համերգի, որին ներկա էր լինելու նաև ՀՀ-ում ԵՄ դեսպան Պյոտր Սվիտալսկին:
Սամսոնյանը նշեց՝ համոզված է՝ գործընկերներին բերման են ենթարկել Սվիտալսկու անմիջական հրամանով:
«Ես քաղաքական գնահատական եմ տալիս, այո՛, Սվիտալսկու անմիջական հրամանով է դա արվել: Մի հակադրություն՝ Ռոբերտ Քոչարյանի ասուլիսը տապալածներից որևէ մեկը չի տարվել Ոստիկանություն, իսկ Սվիտալսկու համար ՀՀ ոստիկանությունը ոստիկանական տեղամասեր է տարել մեր գործընկերներին»,- նշեց Սամսոնյանը և հավելեց, որ այս պահին գնում է ոստիկանություն:
#ՍվիտալՍիկ-ը մեզ փուռը տվեց
Posted by Ադեկվադ on Tuesday, May 21, 2019