Իրանում բոլոր չվերթները չեղարկվել են առայժմ մեկ օրով՝ թռիչքների անվտանգությունն ապահովելու նպատակով, հայտնել է երկրի Քաղաքացիական ավիացիայի կազմակերպության պաշտոնական ներկայացուցիչ Ջաֆար Յազերլուն։
Քաղաքացիական ավիացիայի կազմակերպության ներկայացուցչի հայտարարությունը հնչել է հոկտեմբերի 1-ի երեկոյան Իրանի կողմից Իսրայելի տարածքում իրականացված հրթիռային հարձակումների ֆոնին։
«Հաշվի առնելով տարածաշրջանում տիրող իրավիճակը, անվտանգության նկատառումներից ելնելով, բոլոր չվերթները ամբողջ երկրում չեղարկվել են»,- Յազերլուի խոսքերն է մեջբերում Tasnim գործակալությունը։
Ավելի վաղ Իսրայելի պաշտպանության բանակը հայտնել Էր Իրանի կողմից հրթիռային հարձակման մասին:
Ընդհանուր առմամբ, արձակվել է ավելի քան 500 բալիստիկ հրթիռ:
Իսրայելի ողջ տարածքում օդային ռմբակոծման նախազգուշացում է հայտարարվել։
