Իսրայելի հայ համայնքում զոհեր ու վիրավորներ Իրանի հրթիռակոծության արդյունքում չկան։ Այս մասին ԶԼՄ-ների հետ զրույցում ասել է իսրայելահայերի «Նաիրի» միության նախագահ Արտյոմ Չերնամորյանը։
«Այս անգամ շատ լուրջ էր մի քանի րոպե տարբերությամբ տագնապ էր հնչում ու ահավոր պայթյունի ձայներ: Այս պահին հանգիստ է, սակայն հյուսիսում դեռ հանգիստ չէ»,- ասաց նա:
Չերնամորյանը հայտնեց, որ հրթիռակոծության հետեւանքով մեկ արաբ է զոհվել:
«Դպրոցի են խփել , պետական նշանակության մայրուղիների, բայց շատ վնաս չկա»,- հավելեց նա:
Նշենք, որ հոկտեմբերի 1-ին Իրանը հրթիռային հարված է հասցրել Իսրայելին։ Առնվազն 400 բալիստիկ հրթիռ է արձակվել իսրայելական ռազմական օբյեկտների ուղղությամբ։
