Իսրայելի բանակը՝ «ՑԱԽԱԼ»-ը, պաշտոնապես հայտարարել է, որ «Հըզբոլլահի» գլխավոր քարտուղար Հասան Նասրալլան սպանվել է նախօրեին թիրախային ավիահարվածի արդյունքում:
«Հասան Նասրալլահն այլևս չի կարողանա ահաբեկել աշխարհը»,- ասվում է բանակի՝ «X»-ի միկրոբլոգում տեղադրված գրառման մեջ:
Իսրայելի ռազմաօդային ուժերը հայտնել են, որ իսրայելական իրենց կործանիչները թիրախային հարված են հասցրել «Հըզբոլլահ»-ի կենտրոնական շտաբին, որը տեղակայված է եղել ստորգետնյա հատվածում՝ Բեյրութի Դահիյա թաղամասում գտնվող բնակելի շենքի տակ։ Հաղորդագրության մեջ ասվում է, որ հարվածը տեղի է ունեցել այն ժամանակ, երբ հաղորդվել է, որ «Հըզբոլլահ»-ի ողջ բարձրագույն հրամանատարությունը հավաքվել է շտաբում:
Իսրայելական լրատվամիջոցների փոխանցմամբ՝ Բեյրութին հարվածելու հրամանն անմիջապես ԱՄՆ-ից տվել է Իսրայելի վարչապետ Բենյամին Նեթանյահուն, որից հետո նա լքել է ՄԱԿ-ի գագաթնաժողովի վայրը և վերադարձել հայրենիք։
Նշենք՝ Բեյրութում երեկ տեղի են ունեցել մի շարք ավիահարվածներ:
