Բելառուսի նախագահ Ալեքսանդր Լուկաշենկոն բացատրել է, թե որ դեպքում միջուկային զենքը կարող է օգտագործվել Բելառուսի և Ռուսաստանի պաշտպանության համար։
Նրա խոսքերը փոխանցել է BELTA գործակալությունը:
«Ես ասացի, որ հարձակումը Բելառուսի վրա երրորդ համաշխարհային պատերազմն է, Պուտինն էլ վերջերս հաստատել է դա՝ փոխելով միջուկային դոկտրինան: Հենց նրանք հարձակվեն մեզ վրա, մենք կօգտագործենք միջուկային զենք: ՆԱՏՕ-ն, ամերիկացիներն ու լեհերն արդեն շարված են սահմանի երկայնքով, հատկապես՝ լեհական մասում։ Մենք գիտենք, որ Լեհաստանի ղեկավարությունն արդեն ձեռքերը շփում է»,- ասել է Բելառուսի նախագահը:
Նա հայտարարել է, որ առանց վարանելու ՌԴ-ի հետ միասին կօգտագործեն միջուկային զենք, և դա արդեն կդառնա նոր համաշխարհային պատերազմի սկիզբ. «Բայց մենք անկեղծորեն ասում ենք՝ սա պետական սահման է, մենք դրա մասին ազնվորեն և բացահայտ ենք ասում»: