Հեռուստահաղորդավար Վլադիմիր Սոլովյովը, որը տարիներ շարունակ ՌԴ-ում ընդունվում է որպես Կրեմլի ամենահայտնի «խոսափող»-երից մեկը, «Ռոսիա-1» հեռուստաալիքով՝ իր հեղինակային «Երեկոն Վլադիմիր Սոլովյովի հետ» հաղորդման հերթական եթերում, Վլադիմիր Պուտինին առաջարկել է հրաժարական ներկայացնել։
Սոլովյովը խոսել է ռազմաճակատում առկա խնդիրների մասին և դրա շրջանակում է որպես դրանց լուծման հնարավոր միջոցներից մեկը առաջարկել Գերագույն գլխավոր հրամանատարին հրաժարական տալ: Այդ պաշտոնը, ինչպես հայտնի է, պատկանում է ՌԴ նախագահ Վլադիմիր Պուտինին։
«Մեղավորներին բանտարկելը բավարար չէ: Անհրաժեշտ է նաև նշանակել նրանց, ովքեր հասկանում են, թե ինչպես արդյունավետ, արագ և հստակ աշխատել։ Կապ չունի, թե նրանք ինչ նախարարությունում են լինելու կամ ինչպես են կոչվելու։ Կարևոր չէ, թե ինչ գույնի է կատուն, գլխավորն այն է, որ նա մկներ բռնի։
Եկեք արդեն անցնենք կոնկրետ լուծումների։ Եթե դրա համար անհրաժեշտ է գերագույնի հրաժարականը, դե…»,- ասել է նա:
Վերջինս առաջարկել է վերցնել մեծագույն դարաշրջանների իրենց փորձից և լուծել այն մեթոդներով, որոնք «անհրաժեշտ են այստեղ և հիմա»:
