Իրանի Հարավային Խորասան նահանգի Թաբաս քաղաքի հանքում գազի պայթյունի հետևանքով զոհերի թիվը մեծացել է՝ հասնելով 28-ի․ ավելի վաղ հաղորդվում էր 19 զոհի մասին։
Իրանի կարմիր մահիկի ընկերության ղեկավարը տեղեկացրել է․ «Հանքի ևս 9 աշխատակցի մարմինների հայտնաբերումից հետո ածխահանքում տեղի ունեցածի հետևանքով զոհերի թիվը հասել է 28-ի, 17 մարդ տեղափոխվել է հիվանդանոց, 24 անձ համարվում է անհետ կորած»։
Հանքում գազի պայթյունը տեղի է ունեցել սեպտեմբերի 21-ին՝ տեղական ժամանակով 21։00-ին․ տեղում աշխատողների թիվը 69 է եղել։ Փրկարարական աշխատանքներում ներգրավված է 40 փրկարար:
