Եվրախորհրդարանի անդամները Ուկրաինայի վերաբերյալ բանաձևով մտադիր են ԵՄ երկրներին կոչ անել անհապաղ վերացնել Ռուսաստանի խորքերին հարվածներ հասցնելու վերաբերյալ բոլոր սահմանափակումները։
Այս մասին ասված է փաստաթղթի նախագծում, որը կընդունվի հինգշաբթի Ստրասբուրգում կայանալիք լիագումար նիստում։
Հարկ է նշել, որ Եվրախորհրդարանի արտաքին քաղաքականության վերաբերյալ բանաձևերը խորհրդատվական բնույթ ունեն և պարտադիր չեն ԵՄ կառույցների կամ նրա անդամ երկրների համար:
«Եվրախորհրդարանը կոչ է անում ԵՄ անդամ երկրներին անհապաղ վերացնել Ռուսաստանի տարածքում օրինական ռազմական օբյեկտներին հարվածելու համար Ուկրաինային մատակարարվող արևմտյան զենքի համակարգերի օգտագործման սահմանափակումները»,- ասվում է նախագծում։
