ԱՄՆ պետքարտուղար Էնթոնի Բլինքենը Ադրբեջանի նախագահ Իլհամ Ալիևի հետ հեռախոսազրույցի ընթացքում ընդգծել է Հայաստանի և Ադրբեջանի միջև կայուն խաղաղության հասնելու կարևորությունը։
Ինչպես հաղորդում է ԱՊԱ-ն, Բլինքենն ասել է, որ ԱՄՆ-ը կշարունակի ջանքեր գործադրել այդ նպատակին հասնելու համար:
Նա դրական քայլ է համարել Հայաստանի և Ադրբեջանի միջև սահմանազատման հարցում ձեռք բերված առաջընթացը, այդ թվում՝ 2024 թվականի օգոստոսի 30-ին պետական սահմանի սահմանազատման հանձնաժողովների համատեղ գործունեության կանոնակարգի ստորագրումը։