Վորոնեժի շրջանը գիշերը հարձակման է ենթարկվել ուկրաինական անօդաչու թռչող սարքերի կողմից, հայտնում է ՌԴ ՊՆ-ն։ Հզոր պայթյուններ են տեղի ունեցել Օստրոգոժսկ քաղաքում, ականատեսների տեսանյութը հրապարակել է Astra-ն:
Օստրոգոժսկում գործում է մեծ ուսումնական ստորաբաժանում, որտեղ վերապատրաստվում են զրահատեխնիկայի կրտսեր մասնագետներ (զորամաս 20155 թ.): Astra-ի փոխանցմամբ՝ պայթյունները որոտացել են զինամթերքի պահեստում։
Նահանգապետ Ալեքսանդր Գուսևը, մեկնաբանելով պայթյունները, չի նշել, թե կոնկրետ որտեղ են դրանք տեղի ունեցել։ Նա գրել է միայն «պայթուցիկ առարկաների պայթյունի» մասին՝ կործանված անօդաչու թռչող սարքերից բեկորների ընկնելու պատճառով։
Պաշտոնյայի խոսքով՝ Օստրոգոժսկի շրջանում վիրավորվել է երկու կին, որոնցից մեկի վիճակը ծանր է։
Երեք բնակավայրում արտակարգ դրություն է հայտարարվել, պայթյունի վայրի մոտ գտնվող գյուղից ու այգեգործական համայնքից տարհանվել է 200 մարդ։
Պաշտպանության նախարարության հաղորդագրության համաձայն՝ Վորոնեժի շրջանում հինգ անօդաչու թռչող սարք է խոցվել։ Ռազմական գերատեսչությունը հայտնել է նաև անօդաչու թռչող սարքի հարձակման մասին Բելգորոդի և Բրյանսկի շրջաններում։ Բելգորոդի նահանգապետ Վյաչեսլավ Գլադկովը հայտնել է, որ երկու մարդ վիրավորվել է Մալինովկա և Վեյդելևկա գյուղերում։
