Լրագրող, հասարակական գործիչ, հրապարակախոս Լևոն Բարսեղյանը իր ֆեյսբուքյան էջում գրառում էր կատարել անդրադառնալով անցումային արդարադատությանը․
«Դավադրության նոր տեսություն կոնցլագերից
Թե բա՝ անցումային արդարադատությունը դավադրություն է մեր երկրի դեմ, իբր հատուկ Քոչարյանին հալածելու համար է, իբր կործանելու է երկիրը …
Մթոմ անցումային արդարադատություն անցած երկրները իստակ կործանվել են, քարտեզում իրենց տեղն այլ երկրներ են զբաղեցրել: Գոնե բացեք գրքեր ու կայքեր կարդացեք, ուղղակի կարդացեք, հետո ողբ կապեք:
Եթե չօգնեց մյուս տարբերակն ընտրեք, մի տանջվեք, մնացեք
նույն դատարաններով,
նույն դատավորներով,
նույն քննիչներով,
նույն դատախազներով,
նույն գաղտնի գործակալական ցանցով, գուցե այդպես ավելի արդյունավե՞տ կբարեփոխեք երկիրը: Ես էլ ասեմ, ներողություն, մտքներովս չէր անցել …
Անցումային արդարադատությունը աշխատանք է ու տառապանք իհարկե: Բայց, ներողություն, ո՞վ է ասել, թե հատուցումն ու արդարության հաստատումը այլ եղանակով լինում է: Բայց էլի լուրջ մի համարեք, համարեք, որ առանց ջանքի կարելի է արդարություն հասատետել մի քանի տասնամյակի կեղտի, կեղծավորության, հանցագործությունների վրա: ՈՒղղակի ասեք՝ ինչպես, թարկը տանք: Ու հարցը միայն Քոչարյանը կամ Միհրան Պողոսյանը չեն: Որ ասեն՝ խելոք մնացեք, էլ չարություն չանեք: Իրենք էլ ասեն՝ ինչ արել ենք, լավ ենք արել, էրեխեքի համար ենք արել, ամեն ինչ կարգի կգա՞, ամբողջ ժողովուրդը կասի՝ անցած էղնի՞: Մի քանի հարյուր հազար գաղթականները, մեկ միլիոն աղքատները, նախկին քաղբանտարկյալներն ու գնդակահարված ցուցարարների հարազատներն էլ կասե՞ն անցած էղնի»: