Քոչարյանի որդին՝ Սեդրակ Քոչարյանը լրագրողների հետ զրույցում հայտարարեց, որ իրենց «ամբողջությամբ բավարարեց» դատարանի այսօր հրապարակած որոշումը Հայաստանի երկրորդ նախագահին անձնական երաշխավորության դիմաց ազատ արձակելու մասին:
Նախկին նախագահի մյուս որդին՝ Լևոն Քոչարյանը «Ազատության» հարցին, թե ինչպես է մեկնաբանում դատարանի որոշումը, արդյոք այն բավարարեց իրեն, արձագանքեց․ — «Էնքանով է բավարարել, որ հայրս հիմա պետք է դուրսը լինի, բնականաբար՝ էդքանով բավարարել է»:
Լրագրողներից մեկի հարցին էլ՝ իր համար սպասելի՞ էր այդ որոշումը, նա պատասխանեց․ — «Ինչ-որ չափով՝ այո, հաշվի առնելով նաև երաշխավորությունները»:
«Ազատության» հարցին էլ՝ «մինչ այդ պաշտպանները հայտարարում էին, որ դատավորի նկատմամբ ճնշումներ կան, այս որոշումը ինչի՞ մասինէ վկայում», Լևոն Քոչարյանը արձագանքեց․ — «Շարունակությունը կտեսնենք, ժողովուրդ, պրոցեսը չի վերջացել, գիտեք՝ հիմնական դեռ լինելու է: Ինձ թվում է՝ ավելի էնտեղ կհասկանանք՝ ճնշումը կա, չկա, մնացածը»:
«Արդեն էն, որ հայրս էսքան ժամանակ նստած էր, մենք համարում ենք, որ դա ապօրինի էր ուղղակի», — նշեց պաշտոնաթող նախագահի որդին: