Դատարանը տեղեկացրել է, որ երաշխավորագրերի հարցը կքննարկի խորհրդակցական սենյակում, իսկ մինչ այդ որոշ ժամանակ շարունակվել է դռնբաց դատավարությունը, որից հետո նիստն ընթացել է դռնփակ:
Բաց ընթացակարգի ժամանակ Ռոբերտ Քոչարյանը շարունակել է իր ելույթը՝ խոսելով իր անձեռնմխելիության հարցի մասին, միջամտել է գլխավոր դատախազ Արթուր Դավթյանը: Կողմերի միջև տեղի է ունեցել վիճաբանություն:
«Լրիվ համոզված եմ, որ ուղղակի փոքրիկ ոտնահարում է եղել իմ անձեռնմխելիության, ու այն որակումը անձեռնմխելիության, որ տվել է դատախազությունը, դա շարքային կադաստրի աշխատողը չէր կարող ասել»,- հայտարարեց Քոչարյանը:
Դրան հաջորդեց Ռոբերտ Քոչարյանի փաստաբան Հայկ Ալումյանի ելույթն այն մասին, որ ամեն անգամ, երբ դատախազությունը միջամտում է, դատավորը կաշկանդված է լինում, և հորդորեց փոխել վարվելակերպը:
