Թուրքիայի նախագահ Ռեջեփ Թայիփ Էրդողանը հուլիսի 9-11-ը կայցելի ԱՄՆ՝ մասնակցելու Վաշինգտոնում կայանալիք ՆԱՏՕ-ի գագաթնաժողովին։
Այցի շրջանակում նախատեսվում են Թուրքիայի ղեկավարի երկկողմ հանդիպումները Վաշինգտոնում պետությունների և կառավարությունների ղեկավարների հետ։
Նշենք, որ վերջերս Էրդողանը մասնակցել է Շանհայի համագործակցության կազմակերպության (ՇՀԿ) պետությունների ղեկավարների խորհրդի 24-րդ գագաթնաժողովին, որն անցկացվել է հուլիսի 3-4-ը Ղազախստանի մայրաքաղաք Աստանայում․ գագաթնաժողովի շրջանակներում նա հանդիպել է մի շարք երկրների ղեկավարների, այդ թվում՝ ՌԴ նախագահ Վլադիմիր Պուտինի հետ։
