Ֆրանսիական ոստիկանությունը 51 հարձակում է գրանցել արտահերթ խորհրդարանական ընտրություններին ընդառաջ նախընտրական քարոզարշավի ընթացքում, հայտնել է ներքին գործերի նախարար Ժերալդ Դամանինը։
«Այս քարոզարշավը կարճ էր՝ ընդամենը երեք շաբաթ, բայց մենք արդեն գրանցել ենք հարձակման 51 ակտ՝ թեկնածուների, նրանց պատգամավորների կամ կուսակցական ակտիվիստների վրա, իսկ դա ֆիզիկական ագրեսիա է, որը հաճախ հանգեցնում է շատ լուրջ հետևանքների Մարդիկ հայտնվում են հիվանդանոցներում»,- ասել է նախարարը RMC ռադիոկայանի եթերում։
Դարմանենն ասել է, որ հարձակումների թիրախ են դարձել ինչպես աջակողմյան «Ազգային հանրահավաք» կուսակցության անդամները, այնպես էլ ձախակողմյան քաղաքական գործիչները: Նրա խոսքով՝ ավելի քան 30 ձերբակալություն է իրականացվել։
Մասնավորապես, մի քանի հոգի հարձակվել են Ֆրանսիայի կառավարության պաշտոնական ներկայացուցիչ Պրիսկա Թեվենոյի և նախագահական Վերածնունդ կուսակցության ակտիվիստների վրա, երբ նրանք երկրում խորհրդարանական ընտրությունների երկրորդ փուլից առաջ պաստառներ են փակցրել Օ դը Սեն դեպարտամենտում։
Նաև հունիսի վերջին հարձակում է իրականացվել աջակողմյան «Ազգային հանրահավաք» կուսակցության պատգամավորության թեկնածու 68-ամյա Էրվե Բրեյի վրա, ով հոսպիտալացվել էր։
Ֆրանսիայի ՆԳՆ պաշտոնական տվյալների համաձայն՝ խորհրդարանական ընտրությունների առաջին փուլում «Ազգային հանրահավաք» կուսակցությունը Հանրապետական կուսակցությունից իր դաշնակիցների հետ միասին հավաքել է 33,15 տոկոս։
Ձախ Նոր Ժողովրդական Ճակատ կոալիցիան ստացել է 27,99%, իսկ նախագահ Էմանուել Մակրոնի կոալիցիան երրորդն է՝ 20,04%: Ընտրությունների երկրորդ փուլը տեղի կունենա հուլիսի 7-ին։
