ՀՀ Ազգային ժողովի նախագահ Ալեն Սիմոնյանն ԱՄՆ սենատոր Ռոջեր Ուիքերի գլխավորած կոնգրեսական պատվիրակության անդամների հետ հանդիպումից հետո՝ համատեղ ասուլիսի ժամանակ տեղեկացրերց, որ շուտով Հայաստանը նոր դեսպան է ունենալու Ռուսաստանի Դաշնությունում։
«ԱԳՆ-ն դեսպանների հետ շփման մասին ինձ ոչ միշտ է տեղյակ պահում, բայց գիտեմ, որ շուտով նոր դեսպան ենք ունենալու Ռուսաստանում»,- ասաց նա։
Ըստ նրա՝ արդեն ներկայացված է նոր դեսպանի թեկնածությունը։ Այժմ Հայաստանը սպասում է նրա նշանակմանը։
Նկատենք՝ ըստ մամուլում տարածվող տեղեկությունների, Ռուսաստանում Հայաստանի նոր դեսպանը լինելու է Ազգային ժողովի «Քաղաքացիական պայմանագիր» խմբակցության պատգամավոր, Միավորված աշխատանքային կուսակցության նախագահ Գուրգեն Արսենյանը։
Հիշեցնենք՝ 2022 թվականից Ռուսաստանում Հայաստանի դեսպան է նշանակվել ՀՀ պաշտպանության նախկին նախարար Վաղարշակ Հարությունյանը։
2020թ-ի նոյեմբերի 20-ից 2021թ-ի հուլիսի 20-ը նա զբաղեցրել է ՀՀ պաշտպանության նախարարի պաշտոնը: Իսկ մինչ այդ եղել է ՀՀ վարչապետ Նիկոլ Փաշինյանի գլխավոր խորհրդականը։
