Վարչապետի պաշտոնակատար Նիկոլ Փաշինյանը ֆեյսբուքյան էջից ուղիղ եթերում է․ ներկայացվում է «Իմ քայլը» դաշինքի նախընտրական ծրագիրը և դրամահավաք:
Արտահերթ խորհրդարանական ընտրություններին քարոզարշավը «Իմ քայլը» դաշինքը սկսելու է Արագածոտնի և Շիրակի մարզերից: Այս մասին «Ֆեյսբուք»-ի իր էջում ուղիղ եթերով հայտարարեց վարչապետի պաշտոնակատար Նիկոլ Փաշինյանը:
«Ես, իհարկե, ակտիվորեն պետք է մասնակցեմ քարոզարշավին»,- ասաց նա:
Նիկոլ Փաշինյանը նշեց, որ վաղը՝ ժամը 11:00-ին, լինելու են Արագածոտնի մարզի Թալինքաղաքում, այնուհետև ժամը 13:30-ին կլինեն Մարալիկ քաղաքում, իսկ հետո՝ 15:00-ին, կլինեն Արթիկում, ժամը 17:00-ին՝ արդեն Գյումրիում:
«Բոլոր դեպքերում հանդիպումները տեղի են ունենալու քաղաքների կենտրոնական հատվածներում»,- ասաց նա:
