Վարչապետի աշխատակազմից Տարոն Չախոյանը «Ֆեյսբուք»-ի իր էջում գրել է, որ «ընդդիմության նպատակն է գործող իշխանության վրա նոր «Մարտի 1» կարելը»։
Ըստ նրա՝ հունիսի 12-ին ԱԺ շենքի վրա հարձակումն ու բախումների հրահրումը 2 նպատակ ուներ:
«Գրավել ԱԺ շենքը
Հրահրել բախումներ, որի հետևանքով կլինեին զոհեր, իսկ հետագայում՝ զոհերի հանգամանքը շահարկել:
Զուր չէ, որ հունիսի 12-ին ԱԺ-ի դիմաց զանգվածային անկարգությունների կազմակերպիչների կողմից անընդհատ փորձ է արվում զուգահեռներ անցկացնել «Մարտի 1»-ի հետ։ Անգամ հրապարակային տեսակետ է հնչել՝ «ցավոք սրտի, հունիսի 12-ին զոհեր չեղան»։
Բայց տարբերությունն ավելի քան ակնհայտ է՝ «Մարտի 1»-ի լույս առավոտյան մարդիկ դեռ քնած էին վրաններում, երբ սկսեցին ժողովրդին կոտորել»,- գրել է նա:
Նշենք, որ «ՀայաՔվե» նախաձեռնության անդամը Մենուա Սողոմոնյանը, լրագրողների հետ զրույցում արձագանքելով հարցին, թե «Մարտի 1»-ի և հունիսի 12-ի միջև տարբերություն չի՞ տեսնում, ասել է. ««Մարտի 1»-ին 10 զոհ է եղել, հուիսի 12-ին, դեռևս, ցավոք սրտի, զոհ չի եղել»:
