«Շարունակում ենք ամրապնդել մեր պաշտպանական հարաբերությունները Հայաստանի հետ. ջերմ և արդյունավետ հանդիպում իմ գործընկեր Սուրեն Պապիկյանի հետ Eurosatory-ի շրջանակում»:
Այս մասին «X»-ի իր միկրոբլոգում գրել է Ֆրանսիայի պաշտպանության նախարար Սեբաստիեն Լըկորնյուն՝ կից հրապարակելով լուսանկարներ:
«Նոր կարևոր հանգրվան՝ CAESAR հրետանային համակարգերի ձեռքբերման պայմանագրի կնքմամբ»,- գրել է պաշտոնյան:
Հիշեցնենք՝ ՀՀ պաշտպանության նախարար Սուրեն Պապիկյանի՝ Ֆրանսիա կատարած աշխատանքային այցի շրջանակում հունիսի 17-ին ՀՀ պաշտպանության նախարարության և KNDS ֆրանսիական ռազմարդյունաբերական ընկերության միջև կնքվել է ռազմատեխնիկական համագործակցության պայմանագիր։