Ուկրաինայի հակամարտությունն ու իրանա-ռուսական համագործակցության հարցերը կապելու ցանկացած փորձ քաղաքական նպատակներ է հետապնդում։ Այս մասին հայտարարել է Իրանի արտաքին գործերի նախարարության պաշտոնական ներկայացուցիչ Նասեր Քանանին։
«Ինչպես մենք բազմիցս նշել ենք, Ուկրաինայում պատերազմը Իրանի Իսլամական Հանրապետության և Ռուսաստանի երկկողմ համագործակցության հարցերի հետ կապելու ցանկացած փորձ հետապնդում է միայն կանխակալ քաղաքական նպատակներ», – ասվում է Իսլամական Հանրապետության արտաքին գործերի նախարարության պաշտոնական Telegram ալիքում հրապարակված հայտարարության մեջ:
Դրանում նշվում է, որ այն հրապարակվում է ի պատասխան «Յոթնյակի երկրների ղեկավարների հայտարարության մեջ պարունակվող Իրանի դեմ ուղղված մեղադրանքների»։
Հունիսի 14-ին «Յոթնյակի» խմբի գագաթնաժողովից հետո, ղեկավարները համատեղ հայտարարությամբ կոչ են արել Իրանին չաջակցել Ռուսաստանի Դաշնությանը Ուկրաինայում հատուկ ռազմական գործողություն իրականացնելու հարցում, «բալիստիկ հրթիռներ և ռազմական տեխնոլոգիաներ չփոխանցել Մոսկվային»։
