Ադրբեջանի ԱԳՆ ղեկավարը վստահ է, որ Հայաստանի հետ այսօրվա բանակցությունները կնպաստեն կարգավորման գործընթացին։
Ադրբեջանի ԱԳ նախարար Ջեյհուն Բայրամովը Ղազախստանի իր գործընկերոջ հետ այսօրվա հանդիպման ժամանակ վստահություն է հայտնել, որ Ադրբեջանի և Հայաստանի սահմանազատման հանձնաժողովների միջև ձեռք բերված վերջին պայմանավորվածության ֆոնին այսօրվա բանակցությունները կնպաստեն կարգավորման գործընթացին։
Խոսելով հետկոնֆլիկտային շրջանում տարածաշրջանում առկա իրավիճակի, հնարավորությունների և մարտահրավերների մասին՝ նախարար Ջեյհուն Բայրամովը շնորհակալություն է հայտնել ղազախական կողմին Ադրբեջանի և Հայաստանի միջև երկկողմ խաղաղ գործընթացի խթանմանն ուղղված աջակցության և գործունեության համար։
