Գլխավոր դատախազությունն ուսումնասիրություն է սկսել Արարատնյուզ լրատվականի նյութի առնչությամբ։ Այս մասին Civic.am-ի հարցին ի պատասխան ասացին կառույցի լրատվական վարչությունից։
Հիշեցնենք, որ Արարատնյուզի հրապարակման համաձայն՝ «Երևան պարկ»-ի աշխատակիցները Araratnews.am-ին ահազանգել էին, թե իրենց ստիպում են մասնակցել Բագրատ սրբազանի՝ մայիսի 9-ին նախատեսված հանրահավաքին՝ հակառակ դեպքում սպառնալով ազատել աշխատանքից։
«Երևան պարկ»-ը պատկանում է ԱԺ նախկին պատգամավոր, ՀՀԿ-ական Գարեգին Նուշիկյանին։
