Դավիթ Ջալալյանն իր ֆեյսբուքյան էջում գրել է.
Ուղարկեք Հայր Մերը ԱԱԾ մեկուսարան. Բարի խորհուրդ Քոչարյանի աջակիցներին
Ռոբերտ Քոչարյանի աջակիցների դաշինքի հավաքը և հնչած ելույթները զայրույթի լայն ալիք են բարձրացրել առողջ հասարակության շրջանում:
Բնական է, որ օրինակ Քոչարյանի անվան հրապարակ կամ փողոց ունենալու փայլուն գաղափարը ուղղակի հունից կհանի նույնիսկ սթափ և բարձր գիտակցության ունեցող քաղաքացուն:
Եկեք չմոռանանք սակայն, որ մենք ապրում ենք ազատ Հայաստանում, որտեղ յուրաքաչյուր ոք ունի իր ձայնը, կարծիքը, դիրքորոշումը, պահանջը, բողոքը ազատ արտահայտելու իրավունք:
Քոչարյանի կողմնակից մեր հայրենակիցները հավաքի ընթացքում օգտվեցին իրենց սահմանադրական իրավունքից, ինչը միանգամայն նորմալ էր:
Այնուամենայնիվ օգտվելով առիթից ուղղակի չեմ կարող Քոչարյանի աջակից մեր հայրենակիցներին չտալ մի բարի խորհուրդ: Ուղարկեք Հայր Մերը ԱԱԾ-ի մեկուսարան: Գուցե ձեր կուռքը, որը ոչ բարով եղել է քրիստոնյա պետության ղեկավար, ի վերջո սովորի Տերունական աղոթքը: Աստվածաշունչը երկար է և դժվար թե ձեր պաշտպանյալն այդքան կարդա:
Ուղարկեք միայն Հայր Մերը: Հայտնվելով բանտում շատերն ապաշխարում են, սկսում են հավատալ Աստծուն:
Գուցե դատարանում, վերջին խոսքի ժամանակ Քոչարյանը հենց Հայր Մերը կարտասանի:
