Պաշտոնական Բաքուն Ֆրանսիայից պահանջել է չմիջամտել Ադրբեջանի ներքին գործերին։
Այս մասին ասվում է Ադրբեջանի ԱԳՆ մամուլի քարտուղար Այխան Հաջիզադեի հայտարարության մեջ՝ ի պատասխան Ֆրանսիայի ՆԳ նախարար Ժերալդ Դարմանինի հայտարարությունների։
«Չափազանց անընդունելի է Ֆրանսիայի կառավարության ներկայացուցչի կողմից Ադրբեջանի սահմանադրական պետական կառույցի նկատմամբ դիտավորյալ վիրավորական հայտարարություններ օգտագործելը, որոնք միջպետական հարաբերությունների տեսանկյունից չեն տեղավորվում էթիկական որևէ շրջանակի մեջ»,- ասել է Հաջիզադեն՝:
Նա հավելել է, թո Ադրբեջանը պահանջում է, որ Ֆրանսիան չմիջամտի Ադրբեջանի ներքին գործերին:
«Նաև հորդորում ենք դադարեցնել մեր երկրի դեմ անհիմն պահանջներ հնչեցնելը, քանի որ մեր երկիրը ձեռնարկելու է բոլոր անհրաժեշտ միջոցները իր ազգային շահերը պաշտպանելու համար»,-հայտարարել է արտաքին քաղաքական գերատեսչության խոսնակը։