«Հայաստանի գեղեցկուհի» ազգային գեղեցկության մրցույթի հաղթող ճանաչվեց 19-ամյա Հայկուհի Մաթեւոսյանը: Մրցույթին մասնակցում էին Երեւանից եւ Հայաստանի տարբեր մարզերից ու արտերկրից ժամանած 20 հայուհիներ:
Մասնակիցներին ողջունելու էին եկել նաեւ երգիչներ Էրիկը, Իվետա Մուկուչյանն ու Արփին, որոնք իրենց կատարումներով ներկայացան երեկոյի ընթացքում:
Մասնակից 20 գեղեցկուհիներից ժյուրիի անդամները սկզբում ընտրեցին լավագույն 10-ին, այնուհետեւ՝ 5-ին: Լավագույն հնգյակում տեղ գտան Կամիլա Մարգարյանը, Էմանուելա Գրիգորյանը, Լիզա Գասյանը, Քրիստինա Շահզադեյանը եւ Հայկուհի Մաթեւոսյանը, որն էլ դարձավ մրցույթի հաղթող:
Հայկուհին տիտղոսից բացի արժանացավ միջոցառման գլխավոր հովանավորի՝ All.me նորարարական թվային հարթակի կողմից մրցանակի, որը համարժեք է 1000 ԱՄՆ դոլարին:
